Ermənistanda ümumrespublika tətili elan olunub
Tbilisi, 21 dekabr, AZƏRTAC
Ermənistanda dekabrın 22-dən ümumrespublika tətili elan edilib. Həmin gündən ölkə ərazisində təhsil dayandırılacaq, kütləvi vətəndaş itaətsizliyi başlayacaq.
AZƏRTAC erməni KİV-lərinə istinadən xəbər verir ki, bu barədə jurnalistlərə “daşnaksütyun”un təmsilçisi İşxan Saqatelyan məlumat verib. O, Ermənistanın bütün vətəndaşlarını tətili dəstəkləməyə çağırıb. Bildirib ki, dekabrın 22-də saat 12:00-da Respublika meydanında mitinq olacaq. Bununla paralel olaraq hökumət və başqa nazirliklərin binasına gedən yollar bağlanacaq.
Məlumat üçün qeyd edək ki, dekabrın 19-dan 21-dək Ermənistanda matəm elan olunub.
Dekabrın 19-da müxalifət nümayəndələri Ermənistanın baş naziri Nikol Paşinyan və tərəfdarlarının hərbçilərin basdırıldığı qəbiristanlığa girişlərinə mane olmağa çalışıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
