Estoniyada parlament seçkilərində hakim partiya qalib gəlib
Bakı, 6 mart, AZƏRTAC
Estoniyada martın 5-də keçirilən parlament seçkilərində Baş nazir Kaja Kallasın islahatçılar partiyası 31 faiz səslə qələbə qazanıb.
AZƏRTAC xəbər verir ki, hakim İslahatçılar Partiyası birmandatlı parlamentdə 101 yerdən 38-ni əldə edə bilər. Əvvəlki çağırışda onların 34 mandatı var idi.
İslahatçılar elektron səsvermənin nəticələrinə əsasən liderliyə yüksəlib. Kağız bülletenlərin hesablanmasından sonra Baş nazirin partiyası səsvermənin yekununda 16 faiz səs toplayan Mühafizəkar Xalq Partiyasından geri düşmüşdü. Mühafizəkarlar ukraynalı qaçqınların ölkəyə yerləşdirilməsinə və Kiyevə hərbi yardım göstərilməsinə qarşı çıxır. Üçüncü yerdə ənənəvi olaraq rusdilli elektoratın dəstəyindən istifadə edən Mərkəzçi Partiya (15 faiz) gəlir.
Parlamentə, həmçinin daha üç partiya - “Eesti 200” liberalları (13 faiz), sosial-demokratlar (9 faiz) və “Isamaa” mühafizəkarları (8 faiz) daxil olur.
Seçki Komissiyasının məlumatına görə, tarixdə ilk dəfə olaraq internetlə səs verənlərin sayı məntəqələrə gələnlərin sayını üstələyib.
Bölmənin digər xəbərləri
