“Falcon Finance” MMC-nin istiqrazlarının yerləşdirilməsi üzrə hərrac keçiriləcək
Bakı, 11 aprel, AZƏRTAC
Aprelin 13-də Bakı Fond Birjasında (BFB) BOKT “Falcon Finance” MMC-nin ümumi dəyəri 700 min manat olan istiqrazlarının yerləşdirilməsi birqiymətli hərrac üsulu ilə həyata keçiriləcək.
BFB-dən AZƏRTAC-a bildirilib ki, faizli təmin edilməmiş sənədsiz adlı istiqrazların sayı 700 ədəd, nominal dəyəri min manat, illik faiz dərəcəsi 14 faiz, tədavül müddəti 1 təqvim ilidir. Yerləşdirmə üzrə anderrayter “PSG-Kapital İnvestisiya Şirkəti” ASC-dir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilib.
Bölmənin digər xəbərləri
