“FARUL”UN AZARKEŞLƏRİ HACININ ŞƏRƏFİNƏ ADLANDIRILMIŞ STADİONUN ADINI DƏYİŞMƏYİ TƏLƏB EDİRLƏR
AZƏRTAC xarici KİV-lərə istinadla xəbər verir ki, Rumıniya çempionatı ali divizionunun “Farul” komandasının Konstansa şəhərindən olan azarkeşləri klubun rəhbərliyindən ölkənin ən yaxşı futbolçusu Georq Hacının şərəfinə adlandırılmış stadionun adını dəyişməyi tələb etmişlər. Belə ki, Hacı Rumıniyanın digər futbol komandası “Politexnika”(Timişoara) ilə müqavilə bağlamışdır. Azarkeşlər qəzəblə deyirlər ki, “Bizim məşqçimiz yoxdur, Hacı isə Timişoaraya gedir! O, “Farul” üçün heç vaxt, heç nə etməmişdir və buna görə də stadionun onun şərəfinə adlandırılmasına layiq deyil”.
Azarkeşlər meydanın “Farul”u üç dəfə ali diviziona çıxarmış Emanoil Xaşotinin şərəfinə adlandırılmasını tələb edirlər.
Bölmənin digər xəbərləri
