FEDERAL TƏHQİQAT BÜROSU TƏLƏBƏLƏRƏ “CAVAB ZƏRBƏSİ” ENDİRİRMİŞ
AZƏRTAC “Los-Anceles tayms” qəzetinin saytına istinadla xəbər verir ki, alınan informasiya “Cavab zərbəsi” əməliyyatı çərçivəsində təhlil olunurdu. Əməliyyatdan məqsəd belə bir məsələni aydınlaşdırmaq idi: terrorizmdə şübhəli bilinən tələbələr ABŞ təhsil müəssisələrinin ayırdıqları qrantlardan istifadə edirdilərmi?
Hökumət nümayəndələrinin sözlərinə görə, rəsmən iyunda başa çatan əməliyyatın keçirildiyi dövrdə ya şahid sayılan, yaxud da terrorizmə dair işlərdə şübhəli bilinən 1000 tələbə barədə məlumat yoxlanılmışdır.
FTB-nin nümayəndəsi Con Miller Təhsil Nazirliyindən alınmış informasiyadan necə istifadə olunduğunu və “Cavab zərbəsi” əməliyyatının keçirilməsinin nə kimi nəticələr verdiyini açıqlamaqdan imtina etmişdir.
Xatırladaq ki, hüquq müdafiə təşkilatları vətəndaşların şəxsi həyatına xüsusi xidmət orqanlarının həddindən artıq müdaxiləsi ilə, o cümlədən telefon danışıqlarını xəlvəti dinləmək üçün Prezident Corc Buşun Milli Təhlükəsizlik Agentliyinə verdiyi hüquqla əlaqədar dəfələrlə etirazlarını bildirmişlər. Bu yaxınlarda Detroyt dairə məhkəməsi etiraf etmişdir ki, vətəndaşların telefon danışıqlarının xəlvəti dinlənilməsi proqramı ABŞ Konstitusiyasını pozur.
Bölmənin digər xəbərləri
