Fərhad Əliyev: Gələn il dəniz avarçəkməsi üzrə daxili yarış planlaşdırırıq
Bakı, 21 dekabr, AZƏRTAC
Gələn il dəniz avarçəkməsi üzrə daxili bir yarış planlaşdırırıq. Bakıda test olaraq məşq etdiyimiz ərazidə paytaxt çempionatı keçirməyi düşünürük.
AZƏRTAC xəbər verir ki, bu barədə Azərbaycan Kanoe və Avarçəkmə Federasiyasının baş katibi Fərhad Əliyev 2022-ci ilin yekunlarına həsr olunan illik hesabat konfransı zamanı deyib.
Onun sözlərinə görə, federasiyası Türkiyədə 2024-cü ildə keçiriləcək dəniz avarçəkməsi üzrə dünya çempionatına dəvət edilib. Məşqçilərimiz bununla bağlı Türkiyədə təlim-məşqlərdə iştirak edəcəklər.
“Türkiyəli həmkarlarımızla bu idman növünün inkişaf etdirilməsi istiqamətində əlaqəli işləyirik”, - deyə o əlavə edib.
Bölmənin digər xəbərləri
