FHN-in nümayəndəsi İnterpolun “Geiger” layihəsinin işçi qrupunun iclasında təqdimatla çıxış edib
Bakı, 19 iyun, AZƏRTAC
Rumıniyanın Buxarest şəhərində İnterpolun “Geiger” layihəsinin Qara Dəniz, Qafqaz və Mərkəzi Asiya üzrə işçi qrupunun iclası keçirilib. İclasda Fövqəladə Hallar Nazirliyi (FHN) Nüvə və Radioloji Fəaliyyətin Tənzimlənməsi üzrə Dövlət Agentliyinin rəisi Nicat Əliyev də iştirak edib.
FHN-in mətbuat xidmətindən AZƏRTAC-a bildirilib ki, tədbirin keçirilməsində əsas məqsəd iştirakçı ölkələrdə radioaktiv və nüvə materiallarının aşkar edilməsi üsullarının və belə hadisələrin qarşısını almaq üçün tədbirlərin mütəşəkkil qayada görülməsi təcrübəsinin (aşkarlama, qiymətləndirmə, məlumatların toplanması, sübutların təhlili və s.) təkmilləşdirməsindən ibarət olub.
Tədbirdə FHN-in nümayəndəsi Nicat Əliyev “Azərbaycan ərazisində mövcud olan nüvə və digər radioaktiv materiallar və bu sahədə mümkün təhdidlərin qiymətləndirilməsi” mövzusunda təqdimatla çıxış edib.
İclasda İnterpolun Milli Mərkəzi Bürosunun, həmçinin dəvət olunan 10 ölkədən müvafiq qurumların 100-ə yaxın nümayəndəsi iştirak edib.
Tədbirdə aidiyyəti sahələr üzrə gələcək inkişaf perspektivləri və təcrübə mübadiləsinə dair geniş müzakirələr aparılıb.
Bölmənin digər xəbərləri
