FHN: Ötən sutka 25 halda yanğına çıxış əməliyyatları həyata keçirilib
Bakı, 15 oktyabr, AZƏRTAC
Ötən sutka ərzində Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən 25 halda yanğına çıxış və köməksiz vəziyyətdə qalma faktı üzrə 3 halda qəza-xilasetmə əməliyyatları həyata keçirilib.
FHN-in mətbuat xidmətindən AZƏRTAC-a bildiriblər ki, görülmüş təcili və təxirəsalınmaz tədbirlər nəticəsində yanğınlar operativ qaydada söndürülüb, insanların həyatı xilas olunub. Sutka ərzində FHN-in qüvvələri tərəfindən üç nəfər, o cümlədən Sumqayıt şəhərində Dənizkənarı bulvarın yaxınlığında dənizdə batma təhlükəsi olan bir nəfər dalğıc-xilasedicilərin çevik müdaxiləsi nəticəsində xilas edilib. Yanğın zamanı 15 nəfər sakin təhlükəsiz əraziyə təxliyə olunub.
Nazirlik əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.
Bölmənin digər xəbərləri
