FIDE prezidentinə qitələr üzrə köməkçilər təyin olunub
Bakı, 31 dekabr, AZƏRTAC
Beynəlxalq Şahmat Federasiyasının prezidenti (FIDE) Arkadi Dvorkoviç özünə 4 kontinental köməkçi təyin edib.
AZƏRTAC “e3e5.com” saytına istinadla xəbər verir ki, bu barədə qurumun rəsmi saytı məlumat yayıb.
Köməkçilər Avropa, Amerika, Asiya və Afrika qitələri üzrə fəaliyyət göstərəcəklər. Keçmiş dünya çempionları Vladimir Kramnik və Vişvanatan Anand müvafiq olaraq Avropa və Asiya qitələri üzrə köməkçi vəzifəsini yerinə yetirəcəklər. Venesuela Şahmat Federasiyasının prezidenti Fidel Qonsales Amerika, Afrika Şahmat Konfederasiyasının vitse-prezidenti Sepiso Lopang isə Afrika üzrə köməkçi funksiyasını daşıyacaqlar.
Bölmənin digər xəbərləri
