FİLA ERMƏNİ GÜLƏŞÇİSİNİ CƏZALANDIRMIŞDIR
AZƏRTAC xəbər verir ki, Beynəlxalq Güləş Federasiyaları Assosiasiyası (FİLA) erməni əsilli İsveç idmançısı Ara Abrahamyanı və məşqçisi Leo Myllarini cəzalandırmışdır.
Pekində keçirilən Olimpiya Oyunlarıında, yunan-Roma güləşi üzrə
84 kiloqram çəki dərəcəsində bürunc medal qazanmış Ara Abrahamyanın mükafatlandırma mərasimindəki etirazı idmançının 2 il müddətinə yarışlardan kənarlaşdırılması ilə nəticələnmişdir. Bununla yanaşı, İsveç Güləş Federasiyasına da 2 il müddətində heç bir beynəlxalq yarış keçirməyə icazə verilməyəcəkdir.
Xatırladaq ki, A.Abrahamyanın hərəkətlərinə münasibət bildirən Beynəlxalq Olimpiya Komitəsi onun mükafatlandırılma mərasimində idmançıya yaraşmayan hərəkət etməsini əsas gətirərək, qazandığı bürünc medalın geri alındığını və diskvalifikasiya edildiyini açıqlamışdır.
Bölmənin digər xəbərləri
