FİQURLU KONKİSÜRƏNLƏRİMİZ BEYNƏLXALQ TURNİRDƏ QƏNAƏTBƏXŞ ÇIXIŞ ETMİŞLƏR
AZƏRTAC xəbər verir ki, Kanadanın Monreal şəhərində buz üzərində fiqurlu konkisürmə üzrə “Scate Canada” beynəlxalq turniri başa çatmışdır. Yarışlarda ölkəmizin idman şərəfini qoruyan İqor Lukanin – Kristin Freyzer cütlüyü icbari rəqslərin yerinə yetirilməsində 14,34 bal, original rəqslərin ifasında 45,82 bal toplayaraq 5-ci yer tutmuşdur. Sərbəst rəqslərin yerinə yetirilməsində isə cütlük 155,22 bal toplayaraq, ümumi nəticədə 4-cü olmuşdur.
Xatırladaq ki, duet bu yaxınlarda Avstriyada Karl Şafferin xatirəsinə həsr olunmuş beynəlxalq turnirdə 2006-cı ildə İtaliyada keçiriləcək Qış Olimpiya Oyunlarına vəsiqə qazanmışdır.
Bölmənin digər xəbərləri
