Formula 2 pilotu: Qələbəyə çox yaxın idim
Bakı, 21 sentyabr, AZƏRTAC
Bu gün qələbəyə çox yaxın idim, amma nəticədə ikinci yerlə kifayətlənməli oldum. Əlbəttə, hər bir pilot üçün zirvəyə çıxmaq əsas məqsəddir, lakin bu nəticə də komanda üçün dəyərlidir.
AZƏRTAC xəbər verir ki, bu sözləri Formula 2 üzrə Azərbaycan Qran-Prisinin əsas yarışında ikinci yeri tutan Yoşua Dürksen (“AIX Racing") mətbuat konfransında söyləyib.
O, yarış ərzində güclü tempdə mübarizə apardıqlarını deyib: “Yarış boyu tempimiz güclü idi, bəzi məqamlarda risk aldım və hücum etməyə çalışdım. Əsas hədəfimiz mümkün qədər çox xal toplamaqdır və bu nəticə də çempionat mübarizəsində bizə böyük üstünlük qazandırır”.
Bölmənin digər xəbərləri
