Fransa hökuməti məktəblərdə mobil telefonu qadağan etmək istəyir
Bakı, 1 yanvar, AZƏRTAC
Fransa hökuməti növbəti tədris ilindən etibarən məktəblərdə mobil telefonu qadağan etmək istəyir.
AZƏRTAC xəbər verir ki, bu barədə qanun layihəsini Fransa Parlamenti yanvar ayında müzakirə edəcək.
2 maddədən ibarət qanun layihəsi həmçinin, 15 yaşdan aşağı uşaqların sosial şəbəkədən istifadəsini qadağan etməyi də nəzərdə tutur.
Hökumətin yaydığı sənəddə göstərilir ki, uşaqların mobil telefondan ifrat istifadəsinin zərəri müxtəlif tədqiqatlarla sübut edilib.
2018-ci ildə qəbul edilmiş qanun bağça uşaqlarının mobil vasitələrdən istifadəsini qadağan edirdi.
Yeni qanun qəbul ediləcəyi təqdirdə sentyabrın 1-də qüvvəyə minəcək.
Bölmənin digər xəbərləri
