Fransa İrandakı vətəndaşlarını ölkəni mümkün qədər tez tərk etməyə çağırıb
Paris, 3 avqust, AZƏRTAC
İranla İsrail arasında hərbi eskalasiya riskinin artması ilə əlaqədar Fransanın Avropa və Xarici İşlər Naziri İranda olan vətəndaşlarına müraciət edərək onların ölkəni mümkün qədər tez tərk etmələrini bildirib.
AZƏRTAC xəbər verir ki, Fransa vətəndaşlarından son dərəcə sayıq, bütün nümayişlərdən uzaq, vəziyyətlə bağlı məlumatlı olmaq və müntəzəm şəkildə səfirliyin saytındakı məlumatları izləmək xahiş edilib.
Fransa vətəndaşlarına İrana səyahət etməmək tövsiyə olunur.
Yaxın Şərqdə onsuz da yüksək olan gərginlik Fələstinin HƏMAS hərəkatının siyasi lideri İsmayıl Haniyənin Tehranda öldürülməsindən sonra daha da artıb.
İsraillə İran və onun Livan, Suriya, İraq və Yəməndə dəstəklədiyi qruplar arasında gərginlik müharibənin bütün Yaxın Şərqə yayılması qorxusunu yenidən gündəmə gətirib.
Bölmənin digər xəbərləri
