FRANSADA ARAMSIZ YAĞAN QAR PROBLEMLƏR YARATMIŞDIR

30.12.2005 [12:57]
Çap et
A⁺ A^-

AZƏRTAC-ın xüsusi müxbiri xəbər verir ki, Fransada son bir neçə gündə aramsız yağan qar və havaların soyuq keçməsi problemlər yaratmışdır. Milad bayramı ilə əlaqədar yollarda nəqliyyat vasitələrinin çoxalması vəziyyəti ağırlaşdırmışdır. Beş mindən artıq fransız gecələri maşınlarında və ya məktəb binalarında keçirməyə məcbur olmuşdur. Bəzi yerlərdə sürücülər 20 kilometrlik yolu 10 saata qət etmişlər.

Ölkənin Brötan, Kalvados, Nor və Pa-de-Kale rayonlarında uzaq məsafələrə gedən ağır yük maşınlarının hərəkəti qadağan edilmişdir.

Lionda gecəni öz maşınında keçirmək istəyən bir nəfər və Mansda isə gecələməyə yeri olmayan bir evsiz soyuqdan donmuşlar.

Ölkənin hava məlumat bürosu soyuq hava şəratinin hələ bir neçə gün də davam edəcəyi barədə əhalini xəbərdar etmişdir.