FRANSADA BİR MİLYON UŞAQ YOXSULLUĞUN SON HƏDDİNDƏ YAŞAYIR
Həyat səviyyəsinin getdikcə aşağı düşdüyü bu ölkədə biruşaqlı ailənin aylıq gəliri 1170 avrodur. Mənzil kirayəsinin yüksək, ərzağın və yaşayış üçün tələb olunan digər zəruri şeylərin çox baha olduğu şəraitdə bu rəqəm son dərəcə cüzi görünür.
Aparılmış hesablamalara görə, hazırda Fransada bir milyon uşaq yoxsulluğun son həddində yaşayır. 900 min ailədə valideynlərdən birinə dövlət tərəfindən az miqdarda müavinət verilir. 20 min uşağın daimi yaşayış yeri yoxdur. Bəzi ailələr isə kilsələrin onlara əl tutması hesabına yaşayırlar.
Yoxsulluğun son həddində yaşayan və hər cür sosial təminatdan məhrum olan uşaqlar imkanlı yaşıdları ilə müqayisədə məktəblərdə təhsilini ya gec başa vurur, ya da onu yarımçıq qoymağa məcbur olurlar. Onların əksəriyyəti 17 yaşından sonra çox vaxt ali təhsil dalınca getmir, iş axtarmaqla məşğul olur.
Bölmənin digər xəbərləri
