Fransada kiberhücum nəticəsində poçtlar onlayn xidmətləri dayandırıb
Bakı, 23 dekabr, AZƏRTAC
İrimiqyaslı kiberhücumdan sonra çərşənbə axşamı günü Fransa poçtu onlayn xidmətləri dayandırıb.
AZƏRTAC xəbər verir ki, Fransa mediasında poçtun internet saytının işləmədiyi ilə bağlı məlumat yayılıb. Həmçinin bağlamaların çatdırılması kimi bəzi oflayn xidmətlərdə də fasilələrlə yaranır.
Bundan əlavə, poçtun bank müştəriləri öz hesablarına daxil ola bilmirlər.
Qeyd edək ki, dünən səhər saatlarında Fransa poçtunun serverlərinə genişmiqyaslı kiberhücum olub. Problemlər Milad ərəfəsində, poçt şöbələrində bağlamaların daşınması ilə bağlı pik yüklənmələrin yaşandığı bir vaxtda yaranıb.
Kiberhücumun kimlər tərəfindən həyata keçirildiyi barədə hələlik məlumat yoxdur.
Bölmənin digər xəbərləri
