Fransada xırdabuynuzlu heyvanlarda kataral isitmə epidemiyası başlayıb
Paris, 17 avqust, AZƏRTAC
Avropada xırdabuynuzlu heyvanlarda infeksion kataral isitməyə yeni yoluxma halları aşkarlanıb.
AZƏRTAC xəbər verir ki, Fransanın Tyonvil şəhəri yaxınlığında xəstəliyin iki yeni ocağı aşkarlanıb və bir neçə gün ərzində yoluxmanın altı yeni ocağı meydana gəlib. Tyonvil oxşar halların aşkarlandığı Lüksemburq və Almaniya sərhədlərindən təxminən 20 kilometr məsafədə yerləşir.
Qeyd edək ki, bu xəstəlik ölümcüldür. Əsasən, həşəratlar və kiçik milçəklər vasitəsilə gövşəyən heyvandan digər heyvanlara ötürülür, lakin insanlara keçmir.
Kataral isitmə xəstəliyi 2023-cü ildə Niderlandda başlayıb və sürətlə yayılıb. “Göy dil xəstəliyi” adlanan bu xəstəlik xırda və iribuynuzlu heyvanlarda müşahidə edilir.
Bölmənin digər xəbərləri
