FRANSANIN MÜDAFİƏ NAZİRİ VAŞİNQTONU XUDBİNLİKDƏ TƏQSİRLƏNDİRMİŞDİR

04.02.2006 [19:52]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, Fransanın müdafiə naziri Mişel Alyo-Mari Vaşinqtonu Şimali Atlantika Paktının mənafeyinə etinasızlıq göstərməkdə təqsirləndirmişdir. O, təhlükəsizlik məsələlərinə dair 42-ci Beynəlxalq konfransda çıxışında bildirmişdir ki, ABŞ NATO-nun mənafeyindən daha çox öz vətəndaşlarının təhlükəsizliyindən narahatdır. Fransanın müdafiə naziri etiraf etmişdir ki, Avropa İttifaqı hərbi məsələlərdə bacarıqsızdır və qitənin təhlükəsizliyi məsələlərinin həllində bu təşkilatın rolu gücləndirilməlidir. Onun fikrincə, indiyədək Avropanın təhlükəsizliyinin təminatçısı NATO olmuşdur. Hazırda NATO ilə Aİ arasında münasibətlər elə qurulmalıdır ki, onlar rəqabət aparmayıb, təhlükəsizlik məsələlərinin həllində bir-birini qarşılıqlı surətdə tamamlasınlar.

Alyo-Mari bildirmişdir ki, ABŞ-ın Şimali Atlantika Alyansı üzrə digər tərəfdaşlarla eyni hüquqa malik olmasına tərəfdardır. Onun fikrincə, ABŞ ilə Avropa ölkələri arasında yeni strateji tərəfdaşlıq münasibətləri qurmaq lazımdır. Bu, Avropanın yaxın illərdə ekoloji, su və mühacirlik kimi yeni böhranlarla qarşılaşacağına görə daha vacibdir.

Bununla belə, terrorizmlə mübarizə Avropanın və beynəlxalq aləmin fəaliyyətinin öncül istiqaməti olaraq qalacaqdır. O demişdir: “Biz Qərb ölkələrinə aidiyyəti olmayan tərəfdaşlarımızı bu şərə qarşı mübarizədə sıx əməkdaşlığın vacibliyinə inandırmalıyıq. Avropa ölkələri regional böhranların nizama salınmasında fəal iştirak etməlidirlər, çünki bu böhranlar bizim təhlükəsizliyimizə birbaşa təsir göstərməyə başlamışdır”.

FRANSANIN MÜDAFİƏ NAZİRİ VAŞİNQTONU XUDBİNLİKDƏ TƏQSİRLƏNDİRMİŞDİR

MÜƏLLİFLƏ ƏLAQƏ

Bölmənin digər xəbərləri