FUTBOL FƏLƏSTİNLİLƏRLƏ İSRAİLLİLƏRİ BARIŞDIRACAQMI ?
A.Ogi RF XİN-in Diplomatiya Akademiyasının dinləyiciləri qarşısında “Cəmiyyətin sosial-iqtisadi inkişafının və sülhü qorumağın vasitəsi kimi idmanın rolu” mövzusunda məruzə edərək bildirmişdir ki, gələn həftə Rəmallahda və Ərihada (İyerixon) idman məktəbləri açılacaqdır. Burada gənc israillilər və fələstinlilər üçün futbol məşqləri keçiriləcəkdir. Tezliklə isə onların arasında görüşlər təşkil ediləcəkdir.
A.Oginin fikrincə, əgər bütün dünya futbol, xokkey, voleybol oynasa, onda Yer üzündə bu qədər hərbi münaqişələr olmayacaqdır. O demişdir: “Əlbəttə, biz Fələstinlə İsrail arasında sülhə dərhal nail olmaq ümidində deyilik. Amma inanın ki, biz idman tədbirlərimiz sayəsində 10 ildən sonra buna nail olacağıq”.
Xatırladaq ki, BMT qarşılıqlı münasibətləri heç də yaxşı olmayan ölkələr arasında futbol görüşlərini dəfələrlə təşkil etmişdir. Məsələn, Yaponiya və Cənubi Koreya komandalarının görüşü BMT-nin himayəsi ilə keçirilmişdir.
Bölmənin digər xəbərləri
