FUTBOL HAKİMLƏRİ CƏZALANDIRILMIŞLAR
Komitənin qərarına əsasən, “Turan”–“İnter” qarşılaşmasında yol verdikləri ciddi nöqsanlara görə görüşün baş hakimi Xaqani Məmmədov ölkə çempionatının oyunlarını, hakimlər briqadasının digər üzvləri – İ. Əliyev, M.Mahmudov və A.Niyazov isə növbəti 3 turun görüşlərini idarə etməkdən kənarlaşdırılmışlar.
Xaqani Məmmədov FİFA referiliyindən də geri çağırılmışdır. Onun yerinə isə 2004-2005-ci il ölkə çempionatının yekununa görə yaxşı reytinqə malik olan respublika dərəcəli hakim Vüsal Əliyevin namizədliyinin irəli sürülməsi qərara alınmışdır. Respublika dərəcəli hakim İqor Şpakovski “Şahdağ-Samur”–“Karvan” qarşılaşmasında yol verdiyi ciddi səhvlərə görə birinci dövrənin sonunadək oyunlarından kənarlaşdırılmışdır. Onun görüşləri yenidən idarə etməsinə icazə verilib-verilməməsi məsələsinə çempionatın ikinci dövrəsi ərəfəsində Komitənin iclasında baxılacaqdır.
Bölmənin digər xəbərləri
