Futbol üzrə Unibank Premyer Liqasının səkkizinci turunun oyunları başlamışdır
Bakı, 30 sentyabr (AZƏRTAC). Sentyabrın 30-da futbol üzrə Unibank Premyer Liqasının səkkizinci turunun oyunları başlamışdır.
AZƏRTAC xəbər verir ki, Qəbələ şəhər stadionunda “Qəbələ” komandası “Rəvan”ı qəbul etmişdir. Maraqlı idman mübarizəsi şəraitində keçən oyun “Rəvan”nın 3:2 hesablı qələbəsi ilə başa çatmışdır. Oyunda “Rəvan”nın heyətində Con Pelu, Samuel Barlay, rəqib komandadan isə Murad Hüseynov və Luiz Hilario fərqlənmişlər. Qarşılaşmada “Qəbələ”nin futbolçusu Murad Hüseynov avtoqolla da yadda qalmışdır.
Gəncə şəhər stadionunda keçirilən “Kəpəz”-“Sumqayıt Şəhər” oyunu isə heç-heçə başa çatmışdır - 1:1. Matçda qolları “Kəpəz”in heyətində Ceyhun Sultanov, rəqib komandadan isə Eldar Məmmədov vurmuşlar.
Bölmənin digər xəbərləri
