Gələn həftə “Azəriqaz” daha 4 rayonda sakinlərin müraciətlərini dinləyəcək
Bakı, 24 dekabr, AZƏRTAC
“Azəriqaz” İB-nin “Açıq mikrofon” aksiyası davam edir. Növbəti həftə (dekabrın 26-sı və 28-30 tarixləri) daha 4 rayonda vətəndaşlarla “Açıq mikrofon” aksiyaları keçiriləcək.
İB-dən AZƏRTAC-a bildirilib ki, aksiya həftənin 1-ci günü saat 12:00-dan 13:00-dək Daşkəsən rayonunda (Heydər Əliyev Mərkəzinin qarşısı), 3-cü günü saat 11:00-dan 12:00-dək Tovuz rayonunda (Tovuz Şəhər Parkı), 4-cü günü saat 12:00-dan 13:00-dək Gədəbəy rayonunda (Heydər Əliyev Mərkəzinin qarşısı), 5-ci günü saat 12:00-dan 13:00-dək isə Qazax rayonunda (Dədə Qorqud Parkı, Mərkəzi Xəstəxananın yanı).
Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.
Bölmənin digər xəbərləri
