“Gənc istedadlar” liseyində esse müsabiqəsi - “Heydər Əliyev şagirdlərin gözü ilə”
Bakı, 12 aprel, AZƏRTAC
“BDU könüllüləri” təşkilatı Bakı Dövlət Universitetinin (BDU) nəzdində fəaliyyət göstərən “Gənc istedadlar” liseyinin şagirdləri arasında Ümummilli Lider Heydər Əliyevin 100 illik yubileyinə həsr olunan “Heydər Əliyev şagirdlərin gözü ilə” adlı esse müsabiqəsi elan edir.
Bu barədə AZƏRTAC-a BDU-dan məlumat verilib.
Müsabiqənin keçirilməsində məqsəd Ümummilli Lider Heydər Əliyevin şərəfli həyat yolu və fəaliyyətinin öyrənilməsi, gənclərdə vətənpərvərlik ruhunun gücləndirilməsi və azərbaycançılıq ideologiyasını təbliğ etməkdir.
Şagirdlər yazılarını (Arial şrifti,14 ölçüdə, intervalı 1,5, 6-8 səhifə həcmində; Azərbaycan, rus və ingilis dillərində) aprelin 25-dək [email protected] elektron ünvanına göndərə bilərlər.
Müsabiqəyə yazı təqdim edən iştirakçılar sertifikatlarla təltif ediləcəklər. İlk 3 yerin qalibi ekspertlər tərəfindən müəyyənləşdiriləcək və xüsusi hədiyyələrlə mükafatlandırılacaq.
Bölmənin digər xəbərləri
