Gənc nəsil qəhrəmanlığı şəhidlərdən öyrənməlidir
Bakı, 20 yanvar (AZƏRTAC). Azərbaycanın azadlığı və ərazi bütövlüyü uğrunda mübarizənin qəhrəmanlıq salnaməsinə çevrilmiş 1990-cı il 20 Yanvar faciəsindən 22 il ötür. Bakının ən yüksək nöqtələrindən birində yerləşən Şəhidlər xiyabanı dünya azərbaycanlıları üçün müqəddəs ziyarətgaha çevrilmişdir. Azərbaycanın azadlığı və suverenliyi uğrunda canlarından keçmiş Vətən övladlarının xatirəsini anmaq üçün hər il minlərlə insan bura gəlir.
Bu sözləri AZƏRTAC-a müsahibəsində Bakı Dövlət Universitetinin magistrantı Lamiyə Ömərova səsləndirmişdir.
O demişdir: “Əminəm ki, ermənilərin işğalı altında olan torpaqlarımız tezliklə düşmən tapdağından azad ediləcəkdir. 20 Yanvar gənc müstəqil dövlətimiz üçün böyük tarixi dərsdir. Gənc nəsil qəhrəmanlığı şəhidlərdən öyrənməlidir. Allah onlara qəni-qəni rəhmət eləsin”.
Bölmənin digər xəbərləri
