GƏNCƏ DÖVLƏT DRAM TEATRI YENİ MÖVSÜMÜ MARAQLI REPERTUARLA AÇMIŞDIR
AZƏRTAC xəbər verir ki, Gəncə Dövlət Dram Teatrı yeni mövsümünü açdıqdan sonra öz repertuarını zənginləşdirmək üçün bir neçə əsər üzərində yaradıcılıq işlərinə başlamışdır.
Hazırda yaradıcı kollektiv İsi Məlikzadənin “Yaxın adam” əsərini səhnələşdirir. Respublikanın əməkdar artisti Faiq Qasımovun hazırladığı bu tamaşa yeni mövsümün repertuarına daxil edilmişdir. Bundan əlavə, repertuarda Mirzə Məhəmməd Axundovun “Qanun dəllalı”, Elçin Əfəndiyevin “Eşq və qatil”, Süleyman Sani Axundovun “Eşq və intiqam” əsərləri əsasında səhnələşdirilmiş tamaşalar da vardır.
Teatrın baş rejissoru Bəhram Osmanovun quruluş verdiyi Əli Əmirlinin “Varlı qadın” tamaşasına isə oktyabrda ictimai baxış keçiriləcəkdir.
Bölmənin digər xəbərləri
