Gəncədə gənc rəssamların sərgisi açılacaqdır
Bakı, 4 noyabr (AZƏRTAC). Noyabrın 5-dən 8-dək Azərbaycan Respublikasının Prezidenti yanında Gənclər Fondunun maliyyə dəstəyi, Azərbaycan Dövlət Rəssamlıq Akademiyasının tələbə gənclər təşkilatının və Gəncə şəhər uşaq rəssamlıq məktəbinin dəstəyi ilə Gəncənin gənc rəssamlarının “Gəncə” mövzusunda sərgisi açılacaqdır.
AZƏRTAC xəbər verir ki, sərgidə 20-dək rəssamın müxtəlif istiqamət, texnika və mövzularda işlənmiş əsərləri nümayiş olunacaqdır.
Sərginin açılışı noyabrın 5-də Gəncə Şəhər İncəsənət Mərkəzində keçiriləcəkdir.
Rəhbəri Məhbarə Abbasova olan layihənin məqsədi bölgədə mədəni həyatın inkişafına təkan vermək, bədii sərgi həyatını canlandırmaq, istedadlı və yaradıcı gənclər arasında şəbəkələşməni ilkin olaraq qurmaq və gələcək inkişafına zəmin yaratmaq, Gəncədə müxtəlif istiqamətlərdə işləyən rəssamları bir araya gətirmək, bütöv bir ekspozisiyada birləşdirməkdir. Layihə çərçivəsində təşkil olunan sərgi Gəncə şəhərinin bədii həyatının hazırki vəziyyətini nümayiş etdirəcəkdir.
Sərgiyə giriş sərbəstdir.
Bölmənin digər xəbərləri
