Gənclər və İdman nazirinin müavini Şamaxıda vətəndaşları qəbul edəcək
Bakı, 13 fevral, AZƏRTAC
Gənclər və İdman nazirinin müavini İsmayıl İsmayılov fevralın 14-də Şamaxı rayonunda vətəndaşların qəbulunu keçirəcək.
Nazirliyin mətbuat xidmətindən AZƏRTAC-a bildiriblər ki, qəbulda Şamaxı və Qobustan rayonlarının sakinləri iştirak edəcəklər.
Qəbul saat 11:00-da Heydər Əliyev Mərkəzində (Şamaxı şəhəri, Heydər Əliyev küçəsi 29, Heydər Əliyev parkının ərazisi, rayon icra hakimiyyətinin) başlayacaq. Qəbula gəlmək istəyən vətəndaşlar Şamaxı (050 391-57-88, 055 697-22-22) və Qobustan (050 884-11-88) rayon gənclər və idman idarələri ilə əlaqə saxlamalıdırlar.
Bölmənin digər xəbərləri
