“GÖMRÜKÇÜ” JURNALININ NÖVBƏTİ NÖMRƏSİ ÇAPDAN ÇIXMIŞDIR
“İlham Əliyev: Mən çox sevinirəm ki, parlamentdə təmsil olunan deputatlar açıq, ədalətli mübarizədə qələbə qazanıblar və əlbəttə, bu, parlamentin legitimliyinə də öz böyük töhfəsini vermiş oldu” başlıqlı yazıda üçüncü çağırış Milli Məclisin ilk iclası və mərasimdə dövlət başçısının çıxışı haqqında ətraflı məlumat verilmişdir.
Jurnalın bu nömrəsində noyabrın 14-15-də Fransanın Lion şəhərində Ümumdünya Gömrük Təşkilatının və İnterpolun təşkilatçılığı ilə keçirilmiş “Saxtakarlığa və piratçılığa qarşı mübarizə” üzrə 2-ci Qlobal Konqresə həsr olunmuş material, həmin tədbir zamanı Dövlət Gömrük Komitəsinin sədri, gömrük xidməti general-polkovniki Kəmaləddin Heydərovun beynəlxalq təşkilatların və gömrük xidmətlərinin rəhbərləri ilə görüşlərinə dair yazılar, həmçinin, “Azərbaycan Respublikasının gömrük xidmətində risklərin avtomatlaşdırılmış idarəetmə sisteminin Konsepsiyası”, Rusiya Federasiyasının Sankt-Peterburq, Niderland Krallığının Haaqa və Gürcüstanın paytaxtı Tbilisi şəhərlərində keçirilmiş beynəlxalq konfranslarhaqqında məlumatlar və s. dərc olunmuşdur.
