Gömrükçülər dərman preparatları və spirtli içkilər aşkarlayıblar
Bakı, 10 iyul, AZƏRTAC
Şimal Ərazi Baş Gömrük İdarəsinin Əməliyyat və təhqiqat şöbəsinə daxil olan məlumat əsasında Rusiya Federasiyasından gələn "DAF" markalı iki yük avtomobilinə "Samur" gömrük postunun idxal gömrük nəzarət xəttində baxışı keçirilib.
Dövlət Gömrük Komitəsindən AZƏRTAC-a bildirilib ki, yoxlama zamanı nəqliyyat vasitələrinin gizli saxlanc yerlərində gömrük nəzarətindən gizlədilən və bəyan edilməyən 250 həb, 124 flakon müxtəlif adda dərman preparatı, 12 ədəd kosmetoloji maye, 16 ədəd implant geli, şpris üçün iynələr, eləcə də 32 ədəd müxtəlif markada və ölçüdə spirtli içki aşkar edilib.
Hər iki faktla bağlı araşdırma aparılır.
Bölmənin digər xəbərləri
