GÖMRÜKÇÜLƏR QAÇQIN VƏ MƏCBURİ KÖÇKÜN AİLƏLƏRİNƏ BAYRAM SOVQATI PAYLAMIŞLAR
Bayram münasibətilə Komitə sədrinin salamlarını çatdıran gömrükçülər, möhtərəm Prezidentimiz İlham Əliyevin ardıcıl, düşünülmüş siyasəti nəticəsində, nəyin bahasına olursa-olsun, onların tezliklə öz doğma yurdlarına dönəcəklərinə əmin olduqlarını bildirmişlər.
Sonsuz sevinc hissi keçirən qaçqın və məcburi köçkünlər gömrük əməkdaşlarının nəcib və xeyirxah əməllərindən razılıqla söhbət açmış, xoş arzularını bildirmiş, belə bir inam ifadə etmişlər ki, Prezidentimiz İlham Əliyevin münaqişənin ədalətli, beynəlxalq hüquq normaları çərçivəsində həlli istiqamətində apardığı məqsədyönlü siyasət yeni ildə onların ata-baba ocaqlarına qayıtmasına şərait yaradacaqdır.
Sonra qaçqın və məcburi köçkün ailələrinə bayram sovqatı paylanmışdır.
Gömrükçülər bayram münasibətilə Bakı şəhərində yerləşən 1 və 3 nömrəli uşaq evlərinin sakinləri ilə də görüşərək, dünyanın sevinci olan körpələri al-əlvan bayram sovqatları ilə sevindirmişlər.
