Göygöldə yerin təkindən qanunsuz istifadə halı aşkarlanıb
Bakı, 26 dekabr, AZƏRTAC
Daxili İşlər Nazirliyinin (DİN) Baş İctimai Təhlükəsizlik İdarəsinin əməkdaşları ekoloji qaydaların pozulması hallarının qarşısının alınması məqsədilə zəruri tədbirlər həyata keçirirlər.
DİN-in mətbuat xidmətinin Gəncə regional qrupundan AZƏRTAC-a verilən məlumata görə, dekabrın 25-də Baş İdarə əməkdaşlarının Göygöl rayonu ərazisində keçirdikləri tədbir zamanı Qırıqlı kəndində Gəncə şəhər sakini Ş.Əliyevin yerin təkindən qanunsuz olaraq istifadə etdiyi aşkarlanaraq saxlanılıb.
Faktla bağlı Göygöl Rayon Polis Şöbəsində araşdırma aparılır.
Bölmənin digər xəbərləri
