“Gözümün işığı və ya Qəribə heykəltəraş ömrü” sənədli filmi təqdim olunacaqdır
Bakı, 13 mart (AZƏRTAC). Martın 14-də Nizami Kino Mərkəzində tanınmış rejissor Yavər Rzayevin “Azanfilm” studiyasında çəkilmiş “Gözümün işığı və ya qəribə heykəltəraş ömrü” sənədli filminin təqdimatı olacaqdır.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, bu ekran əsəri görkəmli heykəltəraş, Əməkdar İncəsənət Xadimi Həyat Abdullayevanın anadan olmasının 100 illiyi ilə əlaqədar çəkilmişdir.
Filmdə sənətkarın zəngin yaradıcılığı və zəngin ömür yolundan bəhs olunmuş, həyatın bütün çətinliklərindən keçmiş bir qadın və sənətkar obrazı canlandırılmışdır.
Tədbir çərçivəsində Nizami Kino Mərkəzinin foyesində Azərbaycan Dövlət Rəsm Qalereyası tərəfindən Həyat Abdullayevanın işlərindən ibarət sərgi açılacaqdır.
Bölmənin digər xəbərləri
