GUAM-ın qərargahında cinayətkarlığa qarşı mübarizənin əlaqələndirilməsi məsələləri müzakirə edilib
Kiyev, 9 dekabr, AZƏRTAC
Kiyevdə, GUAM Katibliyində cinayətkarlığa qarşı mübarizənin əlaqələndirilməsi məsələlərinə dair işçi qrupunun nazirlər və idarə başçıları səviyyəsində 17-ci iclası olub. İclasda GUAM-ın üzvü olan bütün ölkələrin nümayəndələri iştirak ediblər. Bu barədə AZƏRTAC-a qurumun Kiyevdəki qərargahından məlumat verilib.
Tərəflər ikigünlük müşavirədə işçi qrupunun 2014-cü ilin nəticələrinə görə hesabatını, 2015-ci il üçün fəaliyyət planını nəzərdən keçirərək qəbul ediblər. Nümayəndə heyətləri diplomatik kanallarla müvafiq qərar əldə olunana qədər işçi qrupunun əlaqələndirmə funksiyalarının Ukrayna tərəfindən yerinə yetirilməsi müddətini uzatmaq barədə razılığa gəliblər.
İşçi qrupunun növbəti profil iclasını 2015-ci ilin noyabr-dekabr aylarında keçirmək planlaşdırılır.
Zeynal Ağazadə
AZƏRTAC -ın xüsusi müxbiri
Kiyev
Bölmənin digər xəbərləri
