Güclü külək təbii qaz təsərrüfatına mənfi təsir göstərib
Bakı, 2 mart, AZƏRTAC
Güclü külək təbii qaz təsərrüfatına təsirsiz ötüşməyib.
“Azəriqaz” İstehsalat Birliyindən AZƏRTAC-a bildirilib ki, güclü küləyin təsirindən Suraxanı rayonu, Zığ qəsəbəsi, S.Göyuşov küçəsində hasar 3 abonenti qazla təmin edən diametri 15 və 20 millimetr olan kəmərlərin üzərinə aşıb. Abşeron rayonu, Saray qəsəbəsində isə aşan daş hasar 57 millimetr diametrində olan qaz xəttini və bir ədəd qaz sayğacını yararsız hala salıb. Nəticədə 70 abonentin qaz təminatında müvəqqəti fasilə yaranıb. Hər iki yerdə “Azəriqaz” İB-nin əməkdaşları bərpa işlərinə başlayıb.
Bölmənin digər xəbərləri
