Güclü küləklə əlaqədar Xəzər dənizində dalğanın hündürlüyü 6,5 metrə çatıb
Bakı, 30 mart, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən əvvəlcədən xəbər verildiyi kimi ölkə ərazisində martın 30-da hava şəraiti qeyri-sabit olub, güclü şimal-qərb küləyi əsib.
Departamentdən AZƏRTAC-a bildirilib ki, şimal-qərb küləyi Maştağada və Bakıda saniyədə 30, Neft Daşlarında və Çilov adasında 29, Qum adasında 28, Pirallahıda 24, Binədə və Sumqayıtda 23, Ələtdə 20, Zabratda 19, Daşkəsəndə 30, Neftçalada 22, Xınalıqda 20, Biləsuvar və Şamaxıda 18 metrədək güclənib. “Neft Daşları”ndan alınan məlumata əsasən, Xəzər dənizində dalğanın hündürlüyü 6,5 metrə çatıb.
Qeyd edək ki, martın 31-i səhərədək güclü küləkli hava şəraitinin davam edəcəyi, şimal-qərb küləyinin sürətinin saniyədə 18-23, arabir 25-30, yarımadanın bəzi yerlərində isə arabir 32-35 metrədək güclənəcəyi gözlənilir.
Bölmənin digər xəbərləri
