GÜLƏŞ ÜZRƏ MİLLİ YIĞMA KOMANDAMIZ BEYNƏLXALQ TURNİRDƏ DÖRDÜNCÜ YER TUTMUŞDUR
Mərasimdə Dağıstan Dövlət Şurasının sədri Məhəmmədəli Məhəmmədov, Beynəlxalq Güləş Federasiyaları Assosiasiyasının prezidenti Rafael Martinetti, Azərbaycan Respublikası Baş nazirinin birinci müavini, Azərbaycan Güləş Federasiyasının prezidenti Abbas Abbasov, Rusiya Milli Olimpiya Komitəsinin prezidenti Leonid Tyaqaçov iştirak etmişlər. Tədbirdən sonra Məhəmmədəli Məhəmmədovun şərəfinə beynəlxalq güləş turnirinə start verilmişdir.
Kubok və turnirin mükafatları uğrunda ABŞ, Azərbaycan, Dağıstan, Gürcüstan və Belarus milli yığma komandaları mübarizə aparmışlar. Üç gün davam edən yarışda Dağıstan pəhləvanları kuboka və 40 min ABŞ dolları məbləğində mükafata sahib olmuşlar. İkinci yer tutan ABŞ güləşçiləri 30 min dollar, üçüncü yerə çıxan Gürcüstan təmsilçiləri isə 20 min dollar məbləğində mükafatlandırılmışlar. Azərbaycan güləşçiləri dördüncü yerlə kifayətlənməli olmuşlar. ABŞ güləşçilərinə mükafatları Abbas Abbasov təqdim etmişdir.
Bölmənin digər xəbərləri
