Gürcü nazir: Azərbaycan və Qazaxıstanla sıx təmaslar sayəsində Orta Dəhlizdə mövqelərimizi möhkəmləndiririk
Tbilisi, 22 oktyabr, AZƏRTAC
Gürcüstan Azərbaycan və Qazaxıstan kimi tərəfdaşları ilə sıx təmaslar sayəsində mövcud maneələri müəyyənləşdirir və onların aradan qaldırılması istiqamətində işlər aparır. Bununla da Orta Dəhlizdə mövqelərini möhkəmləndirir.
AZƏRTAC xəbər verir ki, bunu Gürcüstanın iqtisadiyyat və dayanıqlı inkişaf naziri Mariam Kvrivişvili V Tbilisi İpək Yolu Forumu çərçivəsində keçirilən “Orta Dəhliz: Etibarlılıqdan effektivliyə” adlı paneldə çıxışı zamanı deyib.
Nazir bildirib ki, Gürcüstanda həyata keçirilən əhəmiyyətli infrastruktur layihələri Orta Dəhlizin inkişafına töhfə verir. Onun sözlərinə görə, Gürcüstanda dəmir yollarının, avtomobil magistralların modernləşdirilməsi, yeni yolların tikintisi Orta Dəhlizə əlavə dəyər qatır.
"Gürcüstan hökuməti Orta Dəhlizin inkişaf etdirilməsinə sadiqdir və bu istiqamətdə tərəfdaş ölkələrlə əməkdaşlığa böyük dəyər verir”, - deyə M.Kvrivişvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
