Gürcü nazir müavini: “Yaşıl Enerji Dəhlizi” ambisiyalı layihədir VİDEO
Bakı, 3 iyun, AZƏRTAC
Hələ başlanğıcdan Gürcüstan Azərbaycanla birlikdə bir çox layihələrdə iştirak edib. Azərbaycan etibarlı tərəfdaş rolunu davam etdirir.
AZƏRTAC xəbər verir ki, bu sözləri Gürcüstanın iqtisadiyyat və davamlı inkişaf nazirinin müavini Vaxtanq Tsintsadze Bakı Enerji Forumunda çıxışı zamanı deyib.
O qeyd edib ki, Gürcüstan tranzit ölkə kimi yaşıl enerjinin təchizatını təmin edə bilər.
“Biz əməkdaşlıq edərək bunu genişləndirə bilərik. Azərbaycan, Gürcüstan, Qara dəniz və Şərqi Avropa ölkələri arasında həyata keçirilən “Yaşıl Enerji Dəhlizi” ambisiyalı layihədir. Ümid edirik ki, digər ölkələr də bu layihəyə qoşulacaq”,- deyə nazir müavini bildirib.
Bölmənin digər xəbərləri
