Gürcüstanda 206 min 742 nəfər koronavirusa qarşı peyvənd olunub
Tbilisi, 13 iyun, AZƏRTAC
Gürcüstanda son sutkada 4 min 425 nəfər koronavirusa qarşı vaksin qəbul edib. Bununla da ölkədə koronavirusa qarşı peyvənd olunanların sayı 206 min 742 nəfərə çatıb.
AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat yerləşdirilib.
Bildirilir ki, ölkədə koronavirusa qarşı peyvəndləmə prosesinə martın 15-dən başlanılıb. İnsanlar “Astrazeneka”, “Pfayzer”, “Sinofarm” və “Sinovak” peyvəndini qəbul ediblər.
Gürcüstanın Xəstəliklərə Nəzarət Milli Mərkəzinin rəhbəri Amiran Qamkrelidze bildirib ki, iyul- avqust aylarında ölkəyə 1 milyon doza vaksin gətiriləcək.
Payız mövsümünə qədər ölkə əhalisinin 60-70 faizinin peyvənd olunacağı proqnozlaşdırılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
