Gürcüstanda COVID-19 virusuna yoluxanların ümumi sayı 183 mini keçib
Tbilisi, 11 dekabr, AZƏRTAC
Gürcüstanda son sutka ərzində daha 4 min 146 nəfərdə koronavirus təsdiqlənib. Bununla da, ölkədə koronavirusa yoluxanların ümumi sayı 183 min 99-a çatıb.
AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat verilir.
Bildirilir ki, son sutka ərzində 2 129 nəfər sağalıb, 37 nəfər pandemiyanın qurbanı olub.
Koronavirusdan sağalanların ümumi sayı 150 min 461-ə, ölənlərin sayı isə 1694-ə çatıb.
Hazırda ölkədə 30 min 918 aktiv koronavirus xəstəsi var. Onlardan da 6 min 881-i kovid xəstəxanalarında müalicə olunurlar.
Karantində 1017, klinik otellərdə 3400 nəfər var. Daha 51 min 664 nəfər özünütəcrid rejimindədir.
Koronavirusa yoluxma sayına görə, paytaxt Tbilisi yenə də birincidir.
Belə ki, son sutka ərzində yoluxanların 1708-i Tbilisidə, 636-sı İmereti, 313-ü isə Acarıstan bölgələrindədir.
Qalanlar isə digər bölgələri əhatə edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
