Gürcüstanda dünya rekordunu təzələmək istəyən pilotlar qəzaya uğrayıblar
Tbilisi, 7 fevral, AZƏRTAC
Gürcüstanda hava şarı ilə uçmaq üzrə dünya rekordunu təzələmək istəyən pilotlar qəzaya uğrayıblar. Nəticədə hava şarında olan iki pilot və bir operator həlak olub.
AZƏRTAC xəbər verir ki, pilotlar bu gün səhər saatlarında Gürcüstanın Poti şəhərinin mərkəzi stadionundan havaya qalxıblar. Hava şarı Kvemo Kartli regionunun Tetriskaro rayonunun Asureti kəndi yaxınlığında yüksək gərginlikli elektrik dirəyi ilə toqquşub.
Həlak olan pilotlar “Sky Travel” şirkətinin təsisçisi və Gürcüstanda Birinci Aviasiya Klubunun pilotu, Milli Aeronavtika Federasiyasının prezidenti Revaz Uturqauri və polşalı pilot Pole Krzysztof Zaapart ən uzun məsafəyə şarla uçuş üzrə dünya rekordunu təyin etməzdən əvvəl sınaq uçuşu həyata keçiriblər.
Onlar Potidən Azərbaycan sərhədində yerləşən Kaxetiyə qədər uçmaq istəyiblər.
Həlak olan operator isə “İmedi” televiziyasının əməkdaşı olub.
Tbilisi
Bölmənin digər xəbərləri
