Gürcüstanda əhalinin təbii artımı xeyli azalıb
Tbilisi, 13 oktyabr, AZƏRTAC
Gürcüstanda əhalinin təbii artım tempi aşağıdır. 2020-ci ildə 46 min 520 uşaq dünyaya gəlib. AZƏRTAC xəbər verir ki, bu barədə Gürcüstan Milli Statistika İdarəsindən məlumat verilib.
Qurumun hesabatında bildirilir ki, 46 min 520 uşaqdan 24 min 289-u oğlan, 22 min 231-i qızdır. Bu göstərici 2019-cu illə müqayisədə 3,7 faiz azdır.
Qeyd edilir ki, son beş ildə ümumi doğum nisbəti azalmaqdadır.
Hesabatda bildirilir ki, 2020-ci ildə ölənlərin sayı 2019-cu illə müqayisədə 8,3 faiz artaraq 50 537 nəfər təşkil edib. Onların da 26 min 211 nəfər kişi, 24 min 326 nəfər qadındır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
