Gürcüstanda koronavirusa yoluxma halları yenidən artıb
Tbilisi, 22 dekabr, AZƏRTAC
Gürcüstanda koronavirusa yoluxma və bu virusdan ölüm halları yenidən artıb. Son sutka ərzində ölkədə daha 3064 koronavirus infeksiyasına yoluxan aşkarlanıb, 3 740 nəfər sağalaraq evə buraxılıb, 42 pasiyent isə həyatını itirib.
AZƏRTAC xəbər verir ki, bu barədə Gürcüstan hökumətinin xüsusi rəsmi saytında bildirilib.
Bildirilir ki, ölkədə koronavirusa yoluxanların ümumi sayı 212 min 526-ya çatıb. Yoluxanların 188 408-i sağalıb, 2 182-si isə ölüb.
Hazırda karantin zonalarında 470, stasionar nəzarətdə 6 358 nəfər saxlanılır. Xəstəliyi yüngül formada keçirən 1 671 nəfər isə xüsusi otellərdə müalicə olunur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
