Gürcüstanda koronavirusa yoluxma və ölüm sayında artım qeydə alınıb
Tbilisi, 23 dekabr, AZƏRTAC
Gürcüstanda koronavirusdan ölüm halında yenə də artım qeydə alınıb. Son 24 saat ərzində ölkədə 14 457 nəfər COVID-19 virusu ilə əlaqədar test olunub və onların 2 345-də koronavirus təsdiqlənib.
Son sutkada 51 nəfər pandemiyanın qurbanı olub.
AZƏRTAC xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.
Bildirilir ki, hazırda ölkədə COVID-19-a yoluxanların ümumi sayı 214 min 871 nəfər təşkil edir. Onların da 191 968-i sağalıb, 2 233-ü isə həyatını itirib.
Hazırda ölkədə 455 nəfər karantin rejimində, 6258 nəfər stasionar nəzarətdədir.
Daha 1600 nəfər isə xüsusi otellərdə tibbi nəzarətdə saxlanılır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
