Gürcüstanda koronavirusdan ölənlərin sayında artım qeydə alınıb
Tbilisi, 12 dekabr, AZƏRTAC
Gürcüstanda koronavirusdan ölənlərin sayında artım qeydə alınıb. Son sutka ərzində ölkədə daha 3 min 907 nəfərdə koronavirusa yoluxma faktı qeydə alınıb. Son 24 saat ərzində 3700 xəstə sağalıb, 50 nəfər isə həyatını itirib.
AZƏRTAC xəbər verir ki, bu barədə Gürcüstan hökumətinin rəsmi stopgov.ge saytında məlumat verilib.
Bildirilir ki, ölkədə koronavirusa yoluxanların ümumi sayı 187006 nəfərə çatıb. Xəstələrin 154 min 241- sağalıb, 1744-ü ölüb.
Hazırda ölkədə 30 min 995 aktiv koronavirus xəstəsi var. 6817 nəfər xəstəxanalarda, 1012 nəfər karantində, 51 min 190 nəfər özünütəcrid rejimindədir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
