GÜRCÜSTANDA VƏTƏNƏ XƏYANƏTDƏ TƏQSİRLƏNDİRİLƏN ŞƏXSLƏR HƏBS OLUNMUŞLAR
Partiyanın lideri sabiq Prezident Eduard Şevardnadzeyə sui-qəsddə şübhəli sayılıb barəsində axtarış elan edilən, Gürcüstanın keçmiş təhlükəsizlik naziri İqor Georqadzedir. İlkin məlumata görə, partiya tərəfdarları dövlətə xəyanətdə təqsirləndirilirlər. Hələlik 63 ofis və mənzildə axtarış aparılmış, partiyanın Zuqdidi rayonundakı, Acarıstandakı, Kaxeti bölgəsindəki ofislərinin rəhbərləri Revaz Qulla, Ramaz Samnidze, Georgi Tsikaşvili və “Antisoros” hərəkatının lideri Maya Nikoleişvili tutulmuşlar. İqor Georqadzenin atası, Gürcüstan Kommunist Partiyasının lideri Panteleyman Georqadzenin Samtredia rayonundakı evində də axtarış aparılmışdır. Məhkəmənin qərarına əsasən aparılmış axtarışlar zamanı xeyli silah-sursat və pul aşkar edilmişdir.
Gürcüstanın daxili işlər naziri Vano Merabişvili jurnalistlər qarşısında çıxış edərək demişdir ki, hadisələr heç də Rusiya kütləvi informasiya vasitələrinin yazdığı kimi deyildir. Bizdə “Ədalət” Partiyası rəhbərliyinin ölkədə dövlət çevrilişinə hazırlaşdığı barədə dəqiq əməliyyat məlumatı var idi. Biz bu addımı həmin məlumata əsasən atmışıq. Nazir bildirmişdir ki, bugünkü əməliyyatda xüsusi təyinatlı polis dəstəsinin 450 nəfər üzvü iştirak etmişdir. Cəmi 29 nəfər saxlanılmışdır. Onlardan da 3 nəfəri ayrı-ayrı müxalifət partiyalarının liderləridir. Nazir həbs olunanları vətənə xəyanətdə günahlandırmışdır.
Gürcüstan parlamentinin üzvü Givi Paramadze qeyd etmişdir ki, axtarış zamanı tapılmış silah-sursat və xeyli pul müxalifətin çevrilişə hazırlaşdığını sübut edir və iqtidar düzgün addım atmışdır.
Bölmənin digər xəbərləri
