Gürcüstanda X çağırış parlamentin ilk iclası keçirilir
Tbilisi, 11 dekabr, AZƏRTAC
Dekabrın 11-də Gürcüstanın yeni seçilmiş X çağırış parlamentinin ilk iclası keçirilir.
AZƏRTAC xəbər verir ki, ilk iclası Gürcüstan Prezidenti Salome Zurabişvili açıb.
Onun çıxışından sonra iclası qanunverici orqanın ən yaşlı üzvü Lado Kaxadze davam etdirib.
İclasda parlamentin sədri, onun müavinləri və komitə sədrləri seçiləcək.
Qanunverici orqan səlahiyyətlər əldə edəndən sonra hökumət istefaya gedəcək.
Qeyd edək ki, oktyabrın 31-də keçirilmiş parlament seçkilərində 9 siyasi partiya deputat mandatı qazanıb. Parlamentin 90 deputat mandatını hakim “Gürcü Arzusu-Demokratik” partiyası, qalan 60 mandatı isə müxalifət partiyaları əldə ediblər.
Gürcüstan tarixində ilk dəfə olaraq müxalif deputatların kürsüləri boş qalıb.
Gürcüstanın müxalifət partiyaları parlamentdə səlahiyyətlərini ictimai formada dayandırıblar. Bununla bağlı birgə memorandum imzalanıb.
Prezident Salome Zurabişvili çıxışı zamanı hamını birliyə dəvət edib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
