Gürcüstanın 85 nəfərdən ibarət yeni xilasedicilər qrupu Türkiyəyə yola salınıb
Tbilisi, 15 fevral, AZƏRTAC
Gürcüstan Daxili İşlər Nazirliyinin Fövqəladə Halların İdarə Olunması Xidmətinin 85 xilasedicisi rotasiya qaydasında Türkiyəyə yola salınıb.
AZƏRTAC xəbər verir ki, gürcüstanlı xilasedicilər Türkiyənin Adıyaman şəhərində olan həmkarlarını əvəz edəcəklər.
Bütün lazımi avadanlıqla təchiz olunmuş xilasedicilər Adıyaman şəhərində əsrin ən ağır təbii fəlakəti hesab olunan zəlzələnin nəticələrinin aradan qaldırılmasında iştirak edəcəklər.
Gürcü xilasedicilərin işinə DİN-in Fövqəladə Halların İdarə Olunması Xidmətinin rəisi Teymuraz Mqebrişvili rəhbərlik edir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
