Gürcüstanın “Multi-Pulti dünyası” teatrı yeni səhnə əsəri ilə Bakıda çıxış edəcəkdir
Bakı, 3 noyabr (AZƏRTAC). Dekabrın 27-dən 30-dək və gələn il yanvarın 2-dən 4-dək Gürcüstanın “Multi-Pulti dünyası” teatrı “Maşa və Ayı” tamaşasının “Maşa və Ayının Şərqdə yeni il sərgüzəştləri” adlı yeni seriyası ilə Azərbaycan tamaşaçılarının görüşünə gələcəkdir.
AZƏRTAC xəbər ki, tamaşalar Azərbaycan Dövlət Akademik Opera və Balet Teatrında nümayiş olunacaqdır.
“Multi-Pulti dünyası” teatrı “Maşa və Ayı” tamaşasını lisenziya əsasında hazırlamış və Qafqazda rəsmi tərəfdaşlıq hüququna malikdir. Bu layihə silsilə xarakteri daşıyır və gələcəkdə də davam etdiriləcəkdir.
Tamaşa məxsusi olaraq, Azərbaycan tamaşaçıları üçün “Maşa və Ayı” cizgi filmi və Şərq nağıllarının motivləri əsasında hazırlanmışdır. Səhnə əsərindəki hadisələr Yeni il ərəfəsində cərəyan edir.
Tamaşa iki variantda - Azərbaycan və rus dillərində hazırlanacaqdır. Məşhur cizgi filminin motivləri əsasında, gürcü rejissoru Qoça Kviçianın quruluşunda hazırlanan tamaşada gürcü və azərbaycanlı aktyorlar çıxış edəcəklər.
Balaca tamaşaçıları Şaxta baba və cizgi filmlərinin qəhrəmanları ilə birgə unudulmaz yeni il şənliyi və çoxlu sürprizlər gözləyir.
“Tamaşanın biletlərini şəhərin kassalarından əldə etmək mümkündür.
Bölmənin digər xəbərləri
